გთავაზობთ 1 ლარად, 33%-იან ფასდაკლების ვაუჩერს 1 დღიან პილიგრიმულ ტურზე ძამას ხეობაში კომპანიისგან «Travel in Georgia»

 

ვაუჩერის შეძენის შემდეგ ადგილზე გადაიხდით 30 ლარს 45 ლარის ნაცვლად.

 

>ტურის თარიღი: 25 ივნისი

> გასვლა თბილისიდან, 08:00 სთ-ზე, სასტუმრო „შერატონ მეტეხი პალასის“ მიმდებარე ტერიტორია

> დაბრუნება: 21:00 სთ-ზე

> დღის განმავლობაში ფეხით გასავლელი მანძილი 4-5კმ.

 

ღირებულებაში შედის:

• მგზავრობა კომფორტული ტრანსპორტით
• პროფესიონალი გიდის მომსახურება
• ფოტო გადაღება
• სამოგზაურო დაზღვევა
• მინერალური წყალი

 

ღირებულებაში არ შედის კვება.

 

50–მდე კულტურული მემკვიდრეობის ძეგლი, ძველი და ახალი ეკლესია–მონასტრები, ციხე–სიმაგრეები, კოშკები, გამორჩეული ისტორიული და ბუნების ძეგლები – საქართველოს ეს სიმდიდრე ძამას ხეობაში მდებარეობს. თბილისიდან ხეობის მიმართულებით დაახლოებით 160-170 კმ-ია სავალი და ერთ დღეში მაღალი გამავლობის ტრანსპორტით ძირითადი ძეგლების მონახულება შესაძლებელია.

 

ტურის ფარგლებში მოვილოცავთ ძამას ხეობის ეკლესია- მონასტრებს:

ქოზიფას მონასტერი

ქოზიფას მამათა მონასტერი მდებარეობს ქარელის რაიონში, ძამის ხეობის სიღრმეში, ზღვის დონიდან 1400 მეტრზე. მთელი კომპლექსი, რომელშიც ხუთი ეკლესია შედის, განლაგებულია მაღლობ ადგილზე, შუაგულ ტყეში. ტაძრები აგებულია სხვადასხვა ისტორიულ პერიოდში და მჭიდროდაა დაკავშირებული ერთმანეთთან. პირველი ეკლესიის მშენებლობა VI-VII საუკუნეებით თარიღდება. აღმშენებლობა განსაკუთრებით XIII საუკუნეში გაძლიერებულა და გამშვენებულა სამონასტრო კომპლექსი. ტაძართა შორის ყველაზე დიდი ღვთისმშობლის ტაძრად მიყვანების სახელობის მთავარი ეკლესიაა. აღნიშნულ ტაძარზე იასონ ციციშვილი 1897 წელს წერდა: „მისმა ხელოვნებამ და ხუროთმოძღვრების გეგმამ, არა მგონია, რომ კაცი არ გააკვირვოს. არც მგონია, რომ მისი შესადარი ძვირფასი ხელოვნებისა სადმე მთლათ საქართველოში მოიძიებოდეს“

 

ორხევის მამათა მონასტერი

ორხევის წმ. ორმოცი სებასტიანელი მოწამის სახელობის მამათა მონასტერი, 2007 წლის 26 ნოემბერს ამოქმედდა მეუფე იობის ლოცვა-კურთხევით. ორხევის წმ.40 სებასტიანელი მოწამის სახელობის მამათა მონასტერი.ტაძარი აკურთხა 2007 წლის 26 ნოემბერს მროველ–ურბნელმა მიტროპოლიტმა იობმა.მონასტრის წინამძღვარია გამშვენებული ჯვრით დაჯილდოვებული იღუმენი გერასიმე (გრიგალაშვილი) მასთან ერთად მონასტრული ცხოვრების წესს 2 ბერი და 2 მორჩილი ეწევა. ორხევის წმ. ორმოცი სებასტიანელი მოწამის სახელობის მონასტერი.

 

შატბერდის წმ.ეკატერინეს სახელობის ტაძარი

ძამის ხეობაში მრავლად არის ტაო-კლარჯეთის მონასტრების სახელით დაფუძნებული მონასტერები. შატბერდის წმინდა ეკატერინეს სახელობის მამათა მონასტერი ხეობისკენ მიმავალი გზის პირასაა.

 

სარკინეთის მამათა მონასტერი-კლდეში ნაკვეთი ტაძარი (მეუფე იობის რეზიდენცია)

საინტერესო ნაგებობაა სარკინეთის, შიო მღვიმელის სახელობის კლდეში გამოკვეთილი მონასტერი. ღირსი შიო დიდი საკვირველმოქმედის სახელობის ტაძრის მშენებლობა ოთხიოდე წლის წინ დაუწყიათ ბერებს. კლდეში გამოკვეთილ ტაძარს ულამაზესი ბუმბათი ადგას. მომლოცველები ტაძრის გამო, კლდეს წმინდას ეძახიან.

 

მერეს დედათა მონასტერი

 

ორთუბნის დედათა მონასტერი

ამ ერთ პატარა მხარეში,თითქოს ყოველი გოჯი მიწა ეკლესიის საძირკვლად არის გაჭრილი. სოფელ ორთუბანში დედათა მონასტერი თავისი სიძველით და სინატიფით ანცვიფრებს მნახველს. მონასტერი მძოვრეთის ციხე-დარბაზში მდებარეობს. ციციშვილთა საფეოდალო ცენტრის სამწევრისიდან გადმოტანის შემდეგ აუშენებიათ კომპლექსი, XVII-XVIII საუკუნეებში. მის შემადგენლობაში შედის ღვთისმშობლის შობის სახელობის ეკლესია და შვიდსართულიანი სამრეკლო კოშკი. ასევე ტერიტორიაზე აშენებულია რამოდენიმე საცხოვრებელი და სამეურნეო ნაგებობა. ციხე-დარბაზს ფერდობის ძირას გრძელი მონაკვეთი უკავია, ადრეულ პერიოდში მას შემოვლებული ჰქონდა გალავანი. ამჟამად შემორჩენილია გალავნის ჩრდილოეთის ნაწილი მთელ სიგრძეზე და ნაწილობრივ აღმოსავლეთ და დასავლეთ მხარეები. ეკლესია დარბაზული ტიპისაა, აშენებულია ნატეხი ქვით, საკურთხეველი გამოყოფილია მასიური კანკელით. ეკლესიის დასავლეთით მიშენებულია სამსართულიანი კოშკი.

 

მძოვრეთი (მზოვრეთი)

მდებარეობდა სტრატეგიულად მოხერხებულ ადგილზე – იგი იცავდა შიდა ქართლიდან სამხრეთ საქართველოსკენ მიმავალ მნიშვნელოვან გზას. ისტორიულ წყაროებში ციხეს პირველად `მატიანე ქართლისაის~ ავტორი იხსენიებს დემეტრე აფხაზთა მეფისა (967- 975 წწ.) და მისი ძმის თეოდოსს შორის წარმოებულ ბრძოლებთან დაკავშირებით. თეოდოსმა დახმარება სთხოვა ძამის ხეობის გამგებელს ადარნასეს. ძამის მთავარმა თავის რეზიდენციაში – ძამის ციხეში შეიფარა თეოდოსი. მაშინ დემეტრე მეფემან მიგზავნა ლაშქარი თვისი, მოადგეს ციხესა ძამისასა და ჰბრძოდენ სამ თუე ოდენ~. ბოლოს ადარნასე ძამელი და თეოდოსი იძულბულები გახდნენ დანებებოდნენ დემეტრეს.

 

ვაუჩერის შეძენამდე დაუკავშირდით კომპანიას და ტურის დასაგეგმად დააზუსტეთ დეტალები