სვუპი გთავაზობთ 240 ლარად, 400 ლარის ღირებულების „ახალ საგადასახადო მანუალების“ შემსწავლელ კურსს.

• კურსის ხანგრძლივობაა: 24 საათი
• ტრენინგები ჩატარდება ყოველ შაბათს - 11:00 საათზე (სამი საათის ხანგრძლივობით)

ნინო ფოდიაშვილის კურსი "საგადასახადო მანუალები" - გამიზნულია კერძო და სახელმწიფო სექტორში მომუშავე ეკონომისტებისათვის, ფინანსისტებისათვის, ბუღალტრებისათვის, იურისტებისათვის და შესაბამისი სფეროთი დაინტერესებული სხვა პირებისათვის. კურსის მიმდინარეობისას დეტალურად განიხილება მოქმედი საგადასახადო კანონმდებლობა - საგადასახადო კოდექსი და კანონქვემდებარე აქტები, პრაქტიკული მაგალითები, კომენტარები და სიტუაციური სახელმძღვანელოები.

სასწავლო კურსის მიზანი:
მსმენელს განემარტოს საგადასახადო კანონმდებლობის ზოგადი პრინციპები, ცნებები, საქართველოს მოქმედი გადასახადების სახეები, მათი შემოღებისა და გაუქმების საფუძვლები, მათი გადახდის აუცილებლობა; გადახდისა და დეკლარირების ვადები, გადასახადის გამოანგარიშებისათვის საჭირო საგადასახადო ელემენტები; გადასახადების ადმინისტრირების განმახორციელებელი ორგანოების უფლებები, მოვალეობები და ზოგადი პრინციპები; გადასახადის გადამხდელის უფლება-მოვალეობები; საგადასახადო კონტროლის სახეები და ჩატარების წესები; საგადასახადო სამართალდარღვევის სახეები; დარღვევის ფაქტებზე საგადასახადო ორგანოს გადაწყვეტილების გასაჩივრების წესი, საგადასახადო დავის დაწყების საფუძვლები, დავის განხილვის სახეები და ვადები, დავის განმხილველი ორგანოები; საგადასახადო პასუხისმგებლობა, საგადასახადო სანქციები.

ამასთან, კურსი მიზნად ისახავს მოქმედი საკანონმდებლო ნორმების ანალიზს, სიტუაციურ სახელმძღვანელოთა (ე.წ. "მანუალები") მიმოხილვას, რათა მსმენელს მიეწოდოს მაქსიმალური ინფორმაცია საკანონმდებლო ნორმათა და მათი გამოყენების თაობაზე, ასევე კანონმდებლობაში მიმდინარე ცვლილებების შესახებ (დადებითი და უარყოფითი მომენტების ანალიზი).