სვუპი გთავაზობთ 825 ლარად, 950 ლარის ღირებულების სასერთიფიკატო პროგრამას მედია ბიზნეს მენეჯმენტში ჟურნალისტიკისა და მედია მენეჯმენტის კავკასიურ სკოლაში „GIPA“.

ეს ერთადერთი პროგრამაა ქართულ ბაზარზე, რომელიც უშუალოდ მედიის მართვაზე ფოკუსირდება და რომელიც, მოდულების სახით, მედიაბიზნესის ყველა სფეროში გთავაზობთ ინტენსიურ ტრენინგებს.

პროგრამის მიზანია მედია ბიზნესით დაინტერესებულ პირებს მისცეს მედიის წარმატებული მართვისთვის საჭირო კომპლექსური ცოდნა. 

პროგრამა განკუთვნილია მედიაში მომუშავე პროფესიონალებისთვის, რომლებსაც სურთ ცოდნის გაღრმავება მედიის მართვის საკითხებში. ასევე მათთვის ვინც ახლა ინტერესდება მედიაბიზნესში კარიერის შექმნით ან თვითონ აპირებს ბიზნესის დაწყებას.

მოდულები:

1. მედია ეკონომიკა და ფინანსები (კენდრა ოლბრაიტი - South Carolina University US; შოთა კვარაცხელია - Optima LLC);
2. მედია მენეჯმენტი (აკაკი გოგიჩაიშვილი - Rustavi 2);
3. მედია მარკეტინგი (ნიკო ნერგაძე - პარლამენტის საზოგადოებასთან ურთიერთობის ხელმძღვანელი / რადიოLiberty);
4. სახსრების მოზიდვა მედიაში (ლევან ალფაიძე - GT Group LTD);
5. მედია მეწარმეობა (გიორგი შარაშიძე - Georgia Today / Media Management Service / ჟურნალი Focus / Radiocity FM 101,9); 

მედია ეკონომიკა და ფინანსები

მოდულის მიზანია შეუქმნას მსმენელებს ზოგადი წარმოდგენა კორპორატიული ფინასების მართვის პრინციპებისა და ტექნიკების შესახებ, რაც დაეხმარებათ მათ ორგანიზაციის საბალანსო უწყისის მომზადების, მომგებიანობის გაანგარიშების და ფულის კონტროლის მექნიზმების დანერგვაში.

მედია მენეჯმენტი

მოდულის მიზანია მსმენელს შესძინოს მედია ბიზნესში ეფექტური მართვის საჭირო უნარები და მიაწოდოს საბაზისო ცოდნა ამ საკითხში. მოდული მოიცავს მართვის (მენეჯმენტის) თეორიებს, მოტივაციის ამაღლების, ორგანიზაციული კომუნიკაციის, მართვის ასპექტებს სხვა და სხვა ტიპის მედიაში.

მედია მარკეტინგი

მოდული ფარავს მარკეტინგული პრიციპებისა და გადაწყვეტილებების ფუნდამენტებს. ინტეგრირებული მარკეტინგული კომუნიკაციის პარადიგმის ფარგლებში, განიხილება მარკეტინგული კომუნიკაციის ტრადიციული და ახლადაღმოცენებული ფორმები იმის გათვალისწინებით, რომ მედია ორგანიზაციების ყველა მარკეტინგული ძალისხმევა უნდა იყოს აუდიტორიასთან და რეკლამის დამკვეთებთან ჯანსაღი ურთიერთობის ჩამოყალიბებაზე ორიენტირებული.

სახსრების მოზიდვა მედიაში

კურსის ძირითადი მიზანია არამომგებიანი ორგანიზაციების, დამოუკიდებელი მედია-სტუდიების და მედიის სხვა სპეციალისტებისათვის სახსრების მოზიდვის (ფანდ-რეიზინგის) შესახებ ზოგადი ცოდნის გადაცემა და არსებული პრაქტიკული გამოცდილების გაზიარება.

მედია მეწარმეობა

მოდულის მიზანია მსმენელს გააცნოს სამეწარმეო  (Entrepreneurial) კომპეტენციის ძირითადი ასპექტები , რაც საჭიროა ახალი წარმოების დაარსების და/ან არსებული ბიზნესის ზრდისათვის, აღჭურვოს თეორიული ცოდნის კონტექსტუალური საფუძვლებით, რაც განაპირობებს მეწარმისათვის დამახასიათებელ ქმედებებს და ინოვაციურ მიდგომებს, მსმენელს ჩამოუყალიბოს სათანადო უნარ–ჩვევები იმისათვის, რომ კურსის დასრულების შემდეგ მათ გააჩნდეთ სათანადო ცოდნა და აღქმა მეწარმეობის მოტივების, სტიმულებისა და მეწარმისათვის დამახასიათებელი  თვისებების შესახებ.